Tiranë- KLD- Qeveri, debate për Gjykatën e gjobave të biznesit

[ kodi embed per kete video ]

Konflikti ekzekutiv-drejtësi nuk ka të ndalur. Pas debateve të hapura me prokurorët, gjyqtarët apo edhe avokatët, qeveria ka rihapur edhe një herë debatin me Këshillin e Lartë të Drejtësisë. Kësaj rradhe shkak është bërë projektligji "Për organizimin e drejtësisë administrative", i njohur ndryshe si drafti për krijimin e gjykatës për gjobat ndaj biznesit. Numri dy i KLD-së, Kreshnik Spahiu, ndërsa ka kundërshtuar një sërë nenesh të këtij projektligji, ka replikuar ashpër me deputetët e mazhorancës dhe përfaqësuesen e Ministrisë së Drejtësisë. Debati ka kaluar kufijtë e lejueshëm dhe diskutantët janë përfshirë edhe në ofendime.