"Pritet recesioni më i rëndë prej 60 vjetësh"

Qeveritë në mbarë botën, duket se kanë ndërmarrë të njëjtin qëndrim; ata po hedhin shuma të mëdha në sistemin bankar për të inkurajuar kredidhënien. A është kjo rruga e drejtë? Është rruga e drejtë, sepse bankave duhet t'u mundësohet kapital dhe likuiditet dhe kjo do të thotë që bankat apo sistemi financiar, do të jetë pjesërisht dhe përkohësisht i shtetëzuar.

Por, për momentin nuk ka alternativë tjetër, pasi bankat janë gati të paafta për të paguar. A shihet ndonjë shenjë që kjo gjë po funksionon? Ende jo. Bankat po e mbajnë të fshehur likuiditetin, ato janë të shqetësuar për partnerët, për dhënien e kredive.

Humbjet tani po kalojnë nga kreditë e këqija, tek kreditë e mira, tek kartat e kreditit, tek huatë studentore, tek huatë komerciale. Pra, ato kanë nevojë për kapital shtesë për të përballuar humbjet që presin vitin e ardhshëm. Mekanizmi i dhënies së kredive është tërësisht i ngrirë.

Kjo krizë do të marrë kohë. Recesioni në shkallë globale nuk mund të shmanget. Përfitimet nga lehtësimi i politikave financiare dhe monetare do të mund të shihen në 2010-n ndoshta, por 2009-a do të jetë një vit shumë i vështirë dhe i dhembshëm për ekonominë globale. Recesioni më i rëndë që kemi parë prej 60 vjetësh.