Vlorë, studentja plagos shokun me thikë

Vlorë- Një studente e Universitetit të Vlorës ka plagosur me thikë në shok të sajin për motive ende të paqarta. Ajo vetë ka deklaruar se djali ishte narkoman dhe shpeshherë i kërkonte para, ndërsa miq të të dyve kanë treguar në polici se ata ishin të lidhur bashkë.

Ngjarja ka ndodhur në ambientet e universitetit, Lediana Zekaj, ka nxjerrë një thikë në mes të klasës, duke plagosur rendë Klaudio Kamberajn, student në vitin e 2-të.

Zekaj, në grindje e sipër i ka ngulur thikën në fyt. Studenti i plagosur është mbuluar nga gjaku dhe është shoqëruar me urgjencë në spitalin e Vlorës. Ndërsa vajza është dorëzuar menjëherë në polici duke pranuar krimin.

Sipas të dhënave nga policia e Vlorës, mësohet se Lediana Zekaj ka deklaruar se arsyeja e konfliktit ka lindur pasi sipas saj Kamberi ishte përdorues droge dhe i kërkonte para asaj për të blerë drogën. Nga ana tjetër dëshmitarë të ngjarjes thonë se motivet e kësaj plagosje kanë pasur në thelb një marrëdhënie dashurie mes dy studenteve që duket se ka shkuar drejt ndarjes duke u bërë shkas për veprimin e studentes.