Tiranë, zbulohet baza e falsifikimit

Tiranë- Zbulohet në Tiranë një bazë e falsifikimit të dokumenteve, ndërkohë që policia ka vënë në pranga një shtetas me akuzën e falsifikimit.

Lajmi bëhet i ditur nga burime policore, të cilët njoftojnë se operacioni është realizuar nga antikrimi ekonomiko-financiar pranë drejtorisë së Policisë së Tiranës.

Hetimet për bazën dhe më pas zbulimi i saj ka vënë në pranga shtetasin Ylli Brahimllari. Në bazë janë gjetur një sasi dokumentesh, rreth 90 vula të institucioneve të ndryshme, karta identiteti të huaja, viza, pasaporta greke dhe shqiptare.

Policia është duke hetuar për ngjarjen, kurse dosja në ngarkim të shtetasit i kalon për hetime të mëtejshme prokurorisë.