Si do ta kishe fytyrën nëse do lindje miliona vjet më parë

Je kurioz të dish si do të kishte qenë fytyra jote nëse do kishe lindur miliona vjet më parë? Me rastin e 200 vjetorit të lindjes së Çarls Darvinit, Open University, universitet anglez i specializuar për mësimin në distancë, ka hedhur në publik një lojë zbavitëse, që i lejon çdo përdoruesi interneti të zbraz një fotografi të vetën dhe të tranformojë fytyrën në një austrolopitecus afarensis, që ka jetuar 3,7 milioni vjet më parë, apo një homo habilis, 2,2 milionë vjet më parë, apo një homo erectus, 1,8 milionë vjet më parë, ose një homo heidelbergensis, plot 500 milionë vjet më parë. Imazhet që shoqërojnë këtë shënim janë bërë si provë, por secili mund ta bëjë me veten apo me personazhe të politikës, sportit, spektaklit. Për më shumë mund të vizitoni sajtin Devolve Me.
Në foto, Berlusconi 500 mijë vjet më parë.