Zgjedhjet parlamentare, kutitë e votimit, ato të 2007-s

[ kodi embed per kete video ]

Në zgjedhjet parlamentare të 28 korrikut do të përdoren të njëjtat kuti votimi si dhe në zgjedhjet paraardhëse, ato të shkurtit 2007 për pushtetin vendor.

Vendimi është marrë sot (26 shkurt) nga Komisioni Qendror i Zgjedhjeve, i cili ka miratuar gjithashtu dhe materialet e tjera teknike të nevojshme për procesin e votimit. Kështu, do të përdoren përsëri të njëjtat kuti për materialet zgjedhore, që u përdorën edhe në zgjedhjet e shkuara, si dhe të njëjtët kode sigurie.

KQZ-ja ka vendosur të mos blejë kuti të tjera, pasi ka gjykuar si të përshtatshme dhe të mjaftueshme ato që ekzistojnë në magazinat e saj.

Siç shihet dhe nga pamjet, kutia e parë, ajo më e gjera do të përdoret për votim, ndërsa kutia e dytë, ajo më e gjata, për materialet zgjedhore. Gjithashtu KQZ-ja do të porosisë një numër prej 90 mijë kodesh sigurie si ato që u përdorën në zgjedhjet e shkuara, por me ngjyrë tjetër.