Krujë, vetëvaret në qeli 40-vjeçari

KRUJË- Një person që vuante dënimin në burgun e Zaharisë në Krujë është gjetur i varur me çarçaf në qeli. Burimet nga burgu bëjnë me dije se i dënuari është shtetasi Artan Paskali, 40-vjeç dhe ka qenë në dhomën e izolimit, pas një sherri që kishte pasur më parë me shokët e qelisë. Trupi i tij është gjetur mëngjesin e sotëm nga personeli i burgut. Nuk dihet se në çfarë rrethanash ka ndodhur ngjarja, apo çfarë e ka shtyrë të dënuarin që t'i jepte fund jetës në këtë mënyrë, pasi dyshohet se bëhet fjalë për një vetëvarje. Një grup hetimor është duke punuar për të hedhur dritë rreth kësaj ngjarjeje. Mësohet se ai ishte i dënuar pë vrasje dhe i kishin mbetur dhe dy vjet për të kryer.