Një vit nga tragjedia e Farkës, lule për viktimat

TIRANË- Një vit pas tragjedisë së Farkës, familjarët dhe të afërmit përkujtojnë 16 viktimat që humbën jetën në ujin e liqenit. Lule, vaj e lot në kujtim të ngjarjes së rëndë ndodhur një vit më parë në këtë liqen. 16 persona gjetën vdekjen, pasi barka me të cilën do të dilnin në breg në anën tjetër u përmbys, si pasojë e mbingarkesës.
Nga gjithë ata që ishin brenda saj, mundën të shpëtonin vetëm katër vetë. Viktimat ishin bashkuar në një gëzim familjar, ditëlindje në një restorant në Farkë, dhe pasi kanë darkuar kanë marrë barkën për të kaluar në bregun tjetër.
Sipas hetimeve, barka nuk mund të mbante më shumë se 7 pasagjerë dhe mbingarkesa shkaktoi mbytjen e familjarëve, mes tyre edhe fëmijë.