Pronësia, kanos bashkëfshatarin arrestohet

SARANDË- Policia ka ndaluar sot shtetasin Miliano Bitri 34-vjeç, nën akuzën e kanosjes me armë dhe rrahjes. Ky shtetas është denoncuar nga bashkëfshatari i tij në Lukovë, Zenel Velaj. Mësohet ata kanë pasur konflikt pronësie.

Sipas burimeve policore, Bitri i kap në flagrancë, pas konflikti me komshiun e tij që e denoncoi. Pas një zënke Bitri ka shkuar në banesën e Velajt dhe ka qëlluar në ajër me armë zjarri, më pas e ka goditur atë me grushte. I dëmtuari ka njoftuar policinë, e cila ka mbërritur në vendngjarje, duke i vënë pranga Bitrin i cili po tentonte të largohej nga fshati. Sipas burimeve policore shkak i konfliktit ka shërbyer një grindje për shkak pronësisë së pretenduar nga dy palët.