Sarandë, eksploziv në bllokun e pallateve

SARANDË- Një shpërthim tritoli është dëgjuar fuqishëm në qytetin e Sarandës. Incidenti ndodhi në lagjen "Kodër" të qytetit, por siç mësohet nga policia nuk ka të lënduar.

Po të njëjta burime konfirmojnë se sasia e eksplozivit, mendohet të jetë rreth 100 gram. Shpërthimi ka qenë i fuqishëm, duke shkaktuar një gropë të thellë rreth 15 cm dhe dëme të konsiderueshme në disa apartamente të pallateve.

Ekspertë të policisë së Sarandës kanë mbërritur menjëherë në vendngjarje për të nisur menjëherë hetimet por ende nuk është bërë i mundur identifikimi i autorit, dhe shkaku i vendosjes së eksplozivit.

Pista më e mundshme e hetimit mbetet, hakmarrja ndaj pronarëve të disa bizneseve që banojnë në këtë bllok pallatesh.