"Vende pune, jo terma që i dëgjojmë prej '92-shit"

Politika shqiptare të mos merret me togfjalëshin bosh, "integrim në BE". Për më tepër, kemi që në vitin 1992, që e dëgjojmë këtë gjë dhe akoma vuajmë si qentë nëpër mure ambasadash.

Integrimi në BE nuk është qëllim, është vetëm një mjet. Hë për hë, shteti shqiptar ka vetëm një detyrë: TË HAPË VENDE PUNE !!! Shteti, po të punojë që të hapë vende pune, nuk do kishte gjithë këtë kriminalitet në Shqipëri.

Të rinjtë me çfarë merren? Shikojnë për të shitur ndonjë gram drogë, të vjedhin, të rrihen pas vajzave, etj., pra të gjitha veset e këqija, sepse MUNGON PUNA.

Ku ka papunësi, ka fukarallëk, ka injorancë dhe ka, sigurisht, kriminalitet. Kështu që mos presim që në Shqipëri do ndryshojnë shumë gjëra, për sa kohë papunësia është në kulmin e saj.

Apo mos duhet të quajmë si sukses faktin që "po aplikojnë për në BE"?

Po ç'janë këto broçkulla? Këto mund t'i hajë ndonjë mjeran i paditur, por jo të tjerët.
Për të aplikuar mund të aplikojë edhe Afrika e Jugut.

Puna është të pranohesh në BE. Kur të tërë (Çekia dhe Anglia, sidomos) po thonë se ftesa nuk ka për t'u mirëpritur, shanset janë të pakët.

Po ashtu, në kushtet kur papunësia po rritet dita-ditës në tërë botën, kur vendet e Lindjes janë në borxhe deri në grykë dhe në Perëndim po tremben se mos duhet t'ua paguajnë ata këto borxhe, asnjë qeveri në vendet ekzistuese të BE-së, nuk mund të bindë publikun e vet se pranimi i vendeve të tjera është në dobi të tyre.

Ata janë bërë pishman edhe për Hungarinë dhe jo më të kenë me qejf pranimin e Shqipërisë.

Përfundimi im: qeveria kërkon t'u mbyllë gojën shqiptarëve para zgjedhjeve. "Shikoni, ne përfunduam premtimet tona dhe tani jemi zyrtarisht vend kandidat për në BE..."

Shembull ky, që tregon sesi interesa madhore kombëtare merren nëpër këmbë, për të mbajtur pushtetin në Shqipëri.