Përplasen dy motorë, rëndë 3 të rinj

DURRËS - Një aksident i pazakontë ka ndodhur sot në mbrëmje në qytetin e Durrësit. Dy motorçikleta të rënda rreth 1000 kubikëshe janë përplasur, duke mbetur të plagosur tre persona, mes tyre një vajzë. Nga urgjenca e spitalit të Durrësit mësojmë se kane mberritur ne gjendje të rendë vajza 23-vjeçare dhe një i ri tjetër, Klodian Marku 21 vjeç, i cili drejtonte motorin tip Honda. Ndërkohë burimet nga spitali thonë se është dërguar në gjendje shumë më të rëndë drejt spitalit Ushtarak në Tiranë, 36 vjeçari, Fatjon Bregasi, drejtuesi i motorit tip 'Suzuki'.

Aksidenti ka ndodhur në afërsi të Rezidences qeveritare të plazhit të Durrësit në vendin e njohur sektori " Iliria". Siç bën të ditur policia, aksidenti ka ndodhur si rrjedhoje e shpejtësisë tej normave te lejuara te mjeteve. Motori blu 'Suzuki' që drejtohej nga Fatjoni ka qënë duke marre kthesën per të kaluar në aksin tjetër të rrugës kur në drejtim të tij ka ardhur motori tjetër 'Honda'. Nga përplasja 'Suzuki' është ngritur në ajer dhe ka përfunduar rreth 30 metra në korsine e rrugës hyrëse në plazh. Dy djemtë kanë rënë në asfalt pa ndjenja, ndërsa vajza është plagosur keqas në këmbë, duke lënë pellgje gjaku në autostradë.