Kamani: Ish-përdoruesit, urë lidhëse me përdoruesit e drogës

Eglantina Bardhi | 26/06/2009 | Shendeti | 0 KOMENTE | SHARE | - +

Bashkëpunojnë me ish-përdorues të drogave për të bërë një urë lidhëse mes aktivistëve të "Aksion Plus" dhe përdoruesve të drogës. Dalin në terren çdo ditë dhe u shpërndajnë shiringa për të shmangur ndonjë infeksion të mundshëm nga shiringat e njëri-tjetrit që përdorin për injektim.

Mjeku i kësaj qendre, Dritan Kamani, shpjegon se projekti ka mjekë, psikologë, punonjës socialë dhe ish-përdorues. "Kemi 4 ish-përdorues që na bëjnë mundësimin e lidhjes me përdoruesit e drogës. Kështu e kemi më të thjeshtë, pasi ish-përdoruesi flet me gjuhën e tyre, i kupton më mirë dhe krijojnë një besim më të ndaj nesh",- pohon Kamani. Sipas tij, pasojat e përdoruesve të drogës janë shumë të rënda, duke filluar që nga dëmtimi i shëndetit të tyre e deri tek vdekja.