"Një letër për Dritanin dhe loja që bën Berisha me të eturit për pushtet"

Letër e nënshkruar: Ardi, Fier (Shekulli Online) | 03/07/2009 | Letrat e lexuesve | komentet

Dritan, mos bëj gjasmë je i zemëruar me Ramën. Rama e bëri kodin kundër LSI-së bashkë me Berishën, kështu që nuk na bind dot kur thua që fajtor qenka Rama dhe ti do u bëke me fajtorin tjetër.

Dritan, ti je një trangull mes dy kokrrave të së majtës, Nano dhe Meta. Ti e di çfarë është një tip trangulli mes dy kokrrave, apo jo? Ata të dy duan të humbë Rama, që të japë dorëheqjen nga PS-ja dhe të rimarrin partinë, që e konsiderojnë pronë private, njësoj si Berisha PD-në. Kështu që do oksigjenojnë Berishën nëpërmjet teje.

Por i keni bërë hesapet gabim. Berisha po ju gënjen. Nëse Rama ikën dhe ju merrni PS-në, e majta do jetë një batërdi e përçarë më keq se sot dhe Berisha prandaj ju nxit në këtë rrugë. Sepse ju do keni një PS të ndarë mes grupit parlamentar të Ramës, që sot është në Kuvend dhe rrymave të tjera, që janë me shumicë brenda së majtës.
Pra, me planin tuaj, ju nuk do fitoni dot as në 2013-ën me Berishën, që atëherë do jetë 71 vjeç.

Tani e kuptoj pse thoshte Berisha se do qeveris deri në 2017-ën. Në moshën 75 vjeç, kur të bëjë shurrën në brekë, do ikë dhe do t'ia lërë partinë dhe miliardat Argitës dhe shoqeve e shokëve të saj. Ah mor Dritan, si ju loz si zare një copë karagjozi, që ua njeh mirë etjen për pushtet.