"Duhet të dalë nga skena ky maniak pushteti, që mbjell dhunë"

Letër e nënshkruar: Rezon Ahmetaj | 04/07/2009 | Letrat e lexuesve | 0 KOMENTE | SHARE | - +

A ka të majtë e të djathtë në Shqipëri? Kam përshtypjen se ne, termat e majtë e djathtë, po i përdorim sa për orientim verbal, sepse historia e votimeve në Shqipëri, është një histori që mund të përmblidhet më mirë me nënndarjet: 'pro Berishës' apo 'kundër Berishës'.

Dhe kjo, jo vetëm për shkak të protagonizmit thuajse të dhunshëm që i ka imponuar skenës sonë të vogël publike ky maniak pushteti, por edhe sepse ata që janë vënë përballë tij, nuk kanë gjetur asnjë ofertë më interesante se atë vetë.

Ai është përherë aty, herë në jerm e herë në qiellin e nëntë, ata rrotull tij ikin e vijnë si në një faltore, ca të vjetër e ca të rinj, por thuajse të gjithë me të njëjtën sjellje si prej të klonuari.