"Në demokraci, partitë politike nuk duhet të përfaqësojnë klasa"

Letër e nënshkruar: Fatmir Shehu | 04/07/2009 | Letrat e lexuesve | 0 KOMENTE | SHARE | - +

Koncepti që partitë (sidomos ato kryesore, siç është PS-ja dhe PD-ja), të klasifikohen si përfaqësuese e klasave të varfra dhe atyre të pasura, mendojmë se nuk është i drejtë. Këtë e tregoi dhe e ka treguar dhe nomenklatura e votueseve, si dhe përfaqësuesve të tyre (deputetëve): jo të gjithë të pasurit janë repartizuar me PD-në dhe jo të gjithë të varfrit janë repartizuar me PS-në.

Në demokraci nuk duhet të ketë klasa antagoniste, por shtresa sociale që bashkëpunojnë, bashkëjetojnë dhe ndihmojnë njëra-tjetrën në të mirë e në interes të ndërsjellë për prosperitetin e shoqërisë. Partitë dallohen nga programet, që në fushatat zgjedhore demokratike duhet të jenë shumë të qartë dhe të prekshëm.

Spektri politik është i gjerë (jo bardhezi) dhe programet më të votuar janë ato që përkrahin interesat e shumicës. Megjithatë, votimi si proces është shumë komponencial. Ai përmbledh imazhin, traditën, inercinë, gjendjen komplekse konkrete të secilit në momentin e votimit, konsideratën për liderin dhe ekipin e tij, shpresën për të ardhmen etj., etj.