Ekstradohen nga Greqia dy shqiptarë

Interpol Tirana ka ekstraduar sot nga Athina dy shqiptarë që strehoheshin në Greqi.
Ata janë Neritan Cjapi, vjeç 37, nga Roskoveci i Fierit dhe Nuri Fusha, vjeç 37, nga Barikati i Beratit të dënuar për drogë dhe shfrytëzim prostitucioni.

Burimet saktësojnë se Cjapi, ishte i dënuar me 10 vjet burg, për kryerjen e veprës penale të "Shfrytëzimit të prostitucionit në rrethana rënduese", ndërsa Fusha kishte thyer masën "Arrest në burg", për veprën penale të "Prodhimit dhe shitjes së lëndëve narkotike".

Kapja dhe ekstradimi i këtyre dy shtetasve është bërë e mundur në sajë të bashkëpunimit e shkëmbimit të informacionit të zyrës Qendrore Kombëtare Interpol Tirana me Interpol Athinë.