Vetëhelmohet vajza 24- vjeçare nga Golemi

KAVAJË- Një 24- vjeçare nga fshati Spille i Kavajës i ka dhënë fund jetës duke pirë fostoksinë. Rabije Raja, 24 vjeç, e ka kryer aktin e vetëhelmimit gjatë ditës së martë në banesën e saj, por që nuk është bërë e mundur që të shpëtohet nga familjarët e saj. Pasi është konstatuar se e reja kishte konsumuar lëndën helmuese, është nisur me urgjencë për në Spitalin Ushtarak, ku dhe më pas ka ndërruar jetë. Policia e Kavajës, nuk ka bërë të ditura shkaqet që mund ta kenë çuar 24- vjeçaren nga fshati Spille të vetëflijohet, ndërsa në lidhje me ngjarjen ka marrë në pyetje familjarët e viktimës për të mësuar ndonjë shqetësim që mund të ketë patur Raja gjatë ditëve të fundit. Ndërkohë burimet nga kjo polici pohuan dje se po gjatë ditës së martë, një tjetër vajzë e re ka tentuar t'i japë fund jetës duke konsumuar lëndë helmuese, por që është shpëtuar nga familjarët e saj. Pas marrjes së ndihmës mjekësore, e reja, emri i të cilës nuk është bërë i ditur nga policia ka kaluar rrezikun për jetën.