Mjekët dhe infermierët, e drejta për kualifikime

Shekulli | 06/09/2009 | Shendeti | 0 KOMENTE | SHARE | - +

Punonjësit e Shëndetësisë kanë të drejtën e kualifikimeve ose specializimeve brenda ose jashtë vendit. Kur punonjësi shkon për kualifikim ose specializim, brenda ose jashtë vendit, për problemet që lidhen me profesionin dhe aftësimin e tyre dhe që kanë miratimin e titullarit ose stafit drejtues të institucionit, lidhet një kontratë e veçantë me punëmarrësin që do të kualifikohet, ku parashikon detyrimet dhe të drejtat gjatë periudhës që vazhdon kualifikimi. Në këtë kontratë shprehen saktë, periudha kohore, vendi, specialiteti, kushtet financiare, ruajtja e vendit të punës dhe njohja e së drejtës të individit për t'u kthyer në vendin e punës pas përfundimit, si dhe detyrimin që ka ai për institucionin dërgues.