"Pallati im dhunohet gjithë natën nga klubi në bodrum"

Letër e nënshkruar: Astrit Metahu | 25/09/2009 | Letrat e lexuesve | 0 KOMENTE | SHARE | - +

Jam një emigrant që banoj në Gjermani, kam një javë që kam ardhur për të parë njerëzit e mi në Tirane dhe jam tek një pallat në qendër, përballë Parlamentit. Megjithëse njerëzit e mi banojnë në katin e 8-të, dëgjohet një gjëmim i llahtarshëm deri në orët e para të mëngjesit.

Është monstruoze dhe e papranueshme që të dhunohen banorët e këtij pallati nga klubi i natës që ndodhet në bodrumet e këtij pallati. Më e çuditshmja është që mora vesh se klubin e natës e administron një grua që ka dokumente qëndrimi në Gjermani dhe është e martuar me një gjerman, i cili jeton në Shqipëri(!)

Ku ju çon mushka zotëri ? Në shtetin tuaj nuk guxon kush të ngrejë zërin as kur kalon në sheshpushime të pallatit, se vjen gjoba dhe ju e dini se sa: jo më pak se 400 euro.
Kur do funksionojë shteti, kur do na mbrojë qeveria që ky popull votoi? Mirë hallet e tjera me okë, po dhe gjumin që e ka vënë Zoti nuk duhet ta bëjmë tamam??