Prishet rezonanca magnetike, pacientët në krizë për ekzaminime

[ kodi embed per kete video ]

Pacientët, të cilët kanë nevojë të bëjnë ekzaminim në kokë me rezonancën magnetike, nuk munden ta realizojnë këtë ekzaminim.

Rezonanca magnetike në Qendrën Spitalore Universitare, "Nënë Tereza", e vetmja në sistemin publik në të gjithë vendin, është jashtë funksionit. Të ndodhur përballë kësaj situate, pacientët ankohen se nuk kanë mundësi të përballojnë faturat e klinikave private për këtë ekzaminim ndonëse janë të siguruar, shteti duhet t'ua sigurojë ekzaminimin vetëm me 10 për qind të vleftës.

Ndërsa, mjeku i rezonancës magnetike, Gjergji Vreto, pohoi për gazetën se ankesat e pacientëve janë të drejta, por sipas tij janë ankuar në drejtorinë e QSUT-së për të sjellë firmën që bën servisin, por ende nuk është bërë asgjë.

Pacientët presin me ditë dhe javë të tëra me shpresën se rezonanca magnetike që bën ekzaminime në kokë do të rregullohet. Ndonëse ky ekzaminim është i domosdoshëm për ta, për të vendosur një diagnozë të saktë për sëmundjen që kanë pacientët, nuk dinë ku të drejtohen për problemin që kanë.

Në video po shihni disa nga pacientët që kanë nevojë për këtë ekzaminim pranë rezonacës magnetike.