"Berisha sakrifikoi themeluesit e vërtetë të demokracisë në Shqipëri"

Socialistët?! Cilët janë të tillë dhe çfarë kërkojnë? Të më falni që ju drejtohem me këto pyetje, por nuk duroj dot me paturpësinë. Fatosi, Meta, Islami etj., a janë socialistë? Nëse po, a nuk ishin ata që kanë 20 vjet që hipin e zbresin në pushtet dhe ende nuk janë ngopur me gjakun e shqiptarëve?

Vetëm gënjeshtrat dhe poshtërsitë e tyre i detyruan shqiptarët të ribesonin Berishën para 5 viteve, për të cilin në 97-ën, u desh të shkatërrohej gjithçka kishim për ta dëbuar nga karriget e shumta që uzurpoi.

Sali Berisha vetë, me dëshirë, nuk ikën nga pushteti. I ka dhënë provat për këtë dhe vazhdon t'i japë përditë. Ai sakrifikoi themeluesit e vërtetë të demokracisë në Shqipëri, emra të cilët nuk është nevoja t'i përmendim në shenjë respekti për idealizmin e vdekur të këtij vendi.

Një pijanec si Nano dhe një skizofren si Berisha shkruan historinë e Shqipërisë këto 20 vjet. Por, Shqipëria nuk do të vdesë, sado që të mundohen ata që nuk e duan apo ata që thjesht duan t'ia hanë mëlçinë. Historia këtë e ka vërtetuar