"Berisha për të dytën herë po e çon popullin shqiptar drejt tragjedisë"

Lexova me një shqetësim të madh fjalimin e turpshëm të Kryeministrit Shqiptar në foltoren e popullit shqiptar. Ky është një sakrilegj i turpshëm i institucionit më të lartë të vendit. Kjo ditë dhe kjo fjalë do të mbeten në historinë e atij vendi si dita më e turpshme e kombit shqiptar. Ky fjalim dhe shumë të tjerë në legjislaturën e mëparshme janë jo tjetër veç fjalime të një rrugaçi ordiner, apo të një njeriu të rrjedhur nga mendtë e kokës. Ai mendon se duke sulmuar kundërshtarët e tij për moral apo për lidhje mafioze do t'i frikësojë kundërshtarët e tij dhe do t'i bëjë njerëzit të besojnë se një rrugaç e mafioz është më i mirë se një person që zgjedh të lahet si i do qejfi në një plazh të lirë të Evropës.


Edi Rama është njeri dhe jo shenjt dhe mund të ketë bërë zgjedhje jo të moralshme për një kanunor që vjen nga kanuni i Lekë Dukagjinit, por jo për një evropian. Ky njeri cenon jetën private të një qytetari shqiptar, ndërkohë që ai është i detyruar nga pozita që ka marrë që të mbrojë jetën dhe nderin e çdo qytetari shqiptar. Edi Rama asnjëherë nuk ka hyrë në çështjet personale të familjes së këtij të çmenduri. Dihet nga të gjithë së fëmijët e tij janë të përfshirë në afera të turpshme që nga Gërdeci dhe deri te tokat në bregdet, pa i renditur të gjitha bëmat e tyre. Fjala e këtij njeriu është turpi i madh i kombit Shqiptar që nga koha e "Skënderbeut" siç i pëlqen të çmendurit ta quaj veten e tij.



A mund ta imagjinoni se ç'mund të bëjë ky njeri pas perdeve për shqiptaret e thjeshtë që e kundërshtojnë. Sigurisht që ne e kuptojmë se çfarë mund të bëjë. Të gjithë ne jemi dëshmitarë të vrasjeve spektakolare të shumë kundërshtarëve politik apo të atyre që cenojnë nderin e atij personi që vjen me kanunin e Lekë Dukagjinit nga errësira e shpellave të sundojë Shqipërinë. E gjithë ç'ka ndodhi është një arsye më tepër për ta shporrur këtë hije kanunore nga jeta politike shqiptare. Për fat të keq të një populli pa fat ky njeri për të dytën herë po e çon popullin shqiptar drejt tragjedisë.


Asnjeri nuk ka më frikë për tragjedinë që po vjen, por këtë herë fundi i këtij njeriu është i përcaktuar. Burrat e mençur të atij kombi duhet të takohen e të marrin vendime historike për largimin e tij sa më të shpejtë nga politika. Unë i bëj thirrje Ilir Metës që ai të largohet menjëherë nga qeveria dhe të distancohet nga ky kryeministër rrugaç dhe i çmendur që po e çon vendin drejt greminës përpara se edhe Meta të përfundojë në koshin e plehrave së bashku me psikopatin e shekullit. Zoti bekoftë Shqipërinë!