Digjet shtëpia e të verbërit, shpëtojnë fëmijët

RRËSHEN- Një zjarr i papritur ka djegur tërësisht kuzhinën në banesën e një të verbëri në qytetin e Rrëshenit,në katin e dytë të një pallati pesëkatësh. Zjarri mësohet të ketë rënë për shkak të një shkëndije elektrike në banesën e Fran Pepkolaj.

Por fati ka qene me banorët e atyshëm, dy fëmijëve sidomos që po luanin me kompjuter në një dhomë tjetër. Kanë qenë pikërisht ata që kanë ndjerë erën e tymit dhe më pas kanë dalë në korridor ku ishte krijuar tymtajë e madhe në të zezë, ndaj menjëherë kanë arritur të dalin jashtë në korridor pa u asfiksuar,dhe më pas po ata kanë lajmëruar policinë dhe zjarrfikësen.

Shërbimi zjarrfikës është gjendur në pak minuta në vendin e ngjarjes dhe kanë mundur ta neutralizojnë zjarrin e rënë në kuzhinë duke mos lejuar përhapjen e tij dhe në dy dhomat e tjera.

Një grup policor po heton shkaqet e këtij zjarri, por deri më tash bëhet e ditur se dyshohet për një shkëndijë elektrike.