Lumi rrëmben pasarelen, fshati i izoluar

MIRDITE- Ujërat e rrëmbyeshme të lumit Fani Vogël kanë marrë me vete një urë pasarelë në fshatin Mashtërkor të komunës Orosh duke izoluar lagjen Shmri të këtij fshati. Kështu ura që lidh lagjen me pjesën tjetër të fshatit dhe aksin nacional u shkatërru në bazamentin e saj nga ujërat e shumta të këtij lumi, dhe kjo ka sjellë izolimin e banorëve dhe sidomos të mbi 50 fëmijëve që u duhet të shkojnë në shkollë që ndodhet në anën tjetër të lumit.

Ura pasarelë e këtij fshati shënoi një aksident para 5 vitesh, pasi këtu ra një mësuese e fshatit sëbashku me disa fëmijë, por që për fat shpetuan, ndërsa tani ura është shkatërruar e tëra.

Ura në fjalë u rikonstrktua nga një donacion i huaj, por me sa duket punimet janë kryer pa cilësi sidomos në bazament, për të cilën banorët u ankuan se te hollat e dhuruara për të bërë një urë cilësore dhe rezistente nuk u perdoren si duhet. Për pasojë ajo u shkatërrua në bazament nga ujërat e këtyre ditëve, duke izoluar tërë fshatin.