Përplaset me shtyllën, vdes 25-vjeçari

SHKODËR - Një 25-vjeçar, banues në lagjen zooteknike ka humbur jetën, rreth orës 16:00, si pasojë e përplasjes me shtyllën e ndriçimit në unazën e re në Shkodër. 25-vjeçari Herman Vuçaj po drejtonte mjetin e tij motor, tip Honda, me targë TR 514 D, në rrugën e Unazës së re ku është përplasur me shtyllën e ndriçimit në krah të djathtë të rrugës. Menjëherë në vendin e ngjarjes kanë mbërritur uniformat të policisë së Shkodrës, të cilët kanë bërë të mundur transportimin e trupit të 25-vjeçarit drejt morgut të spitalit të Shkodrës, ndërkohë që kanë kryer dhe verifikimet e duhura për të zbuluar rrethanat e ngjarjes. Mga burime pranë grupit të hetimit për këtë ngjarje mësohet se shkak i ketij aksidenti ka qenë shpejtësia e madhe. Vuçaj është viktima e 4-t si pasojë e aksidenteve rrugore për vitin 2010 në rrugët e qarkut të Shkodrës.