Laç, kapet eksploziv C4 me telekomandë

LAÇ- Policia ka vënë në pranga tre persona të akuzuar për mbajtje të lëndëve shpërthyese. Sipas njoftimeve paraprake të policisë, mësohet se tre personat, dy prej të cilëve vëllezër po lëviznin në automjete të ndryshme në momentin që janë ndaluar.

Gjatë kontrollit, atyre iu gjet lëndë shpërthyese, eksploziv C4 me telekomandë. Së bashku me eksplozivin, të ndalurve iu gjetën edhe 5 mina.

Ende nuk jepen detaje rreth operacionit të kryer nga policia lokale, por theksohet se po vijojnë hetimet për të tjerë bashkëpunëtorë dhe qëllimin e mbajtjes së lëndës shpërthyese.