"Elektra", vetëm 50 bileta para premierës

Një ditë para premierës, nga biletaria e Teatrit Kombëtar marrim informacion që janë shitur rreth 50 bileta për tragjedinë e Sofokliut, "Elektrën". Një numër i vogël biletash, po të merret parasysh që është e para premierë për këtë vit në TK dhe nuk e ka të huaj veprën dhe autorin e saj.

Ka pasur data të ndryshme të caktuara për "Elektrën", një faktor që reflekton në numrin e spektatorëve që i afrohen sportelit të biletave të Teatrit.

Tragjedia "Elektra" me regji të Adonis Filipit do të fillojë të shfaqet çdo mbrëmje nga 11 deri në 14 mars në sallën e madhe të Teatrit Kombëtar. Interpretojnë: Luiza Xguvani (Elektra), Roza Anagnosti (Klitemnestra), Laert Vasili (Orest), Monika Lubonja (Kristotema), Bujar Asqeriu (Egisti), Vasjan Lami (Kujdestari), Ahmet Pasha (Rrëfimtari), Elida Janushi (Korifeu). Intepretueset e korit: Vjoleta Trebicka, Marjana Kondi, Eglantina Cenomeri, Eriona Kakeli, Ermela Teli, Nigela Ruka dhe Klea Konomi.

Shqipërimi i veprës e ka realizuar Laert Vasili. Skenograf: Fatbardh Marku. Kostumograf: Bllagoj Micevski. Koreografe: Mariela Nestora. Drejtues Muzike: Dritan Lumshi.