Ndalohen 3 persona për trafik klandestinësh

SARANDË- Operacioni i koduar "Piramida 72", i organizuar nga seksioni i krimit të organizuar nga komisariati i Sarandës në gjithë gjatësinë e vijës kufitare tokësore të rajonit që mbulon ky komisariat, vuri në pranga tre persona. Individët e arrestuar janë Fatmir Murati, 50 vjeç, nga Ksamili, Drini Valca, 17 vjeç, i lindur në Rrëshen dhe banues në Shëndëlli dhe Artur Abazi, 24 vjeçnga fshati Shijan i nënprefekturës së Delvinës. Ata akuzohen për veprën penale "Dhënie ndihmë për kalim të paligjshëm të kufirit", mbështetur në nënin 298 të Kodit të Procedurës Penale. Sipas burimeve nga policia lokale e Sarandës, grupi i krijuar për favorizimine kalimit të paligjshëm të kufiritkundrejt përfitimit të shumave të konsiderueshme, priste në Ksamil nga rrethe të ndryshme, kryesisht nga veriu, persona që kërkonin të kalonin kufirin pa dokumente , duke u strehuar fillimisht në hotelin e Ksamilit. Pronar i këtij hoteli ishte njëri prej të ndaluarve, Fatmir Murati. Tre personat e ndaluar, sipas burimeve policore, në bashkëpunim dhe lidhje me njëri-tjetrin, klientët i përcillnin jashtë kufirit në kundërshtim me legjislacionin shqiptar të ruajtjes së regjimit të kufirit.