Malaj kritika për turin e Berishës “Shqipëria në NATO”

Partia Socialiste ka bërë kritika të ashpra për kryeministrin Sali Berisha i cili trumbeton si fitore ftesën e Shqipërisë në NATO, duke organizuar kështu edhe ture rreth shqipërisë.
 
Deputeti i PS, Arben Malaj, tha sot në një prononcim për shtyp se Shqipëria është e fundit sa i përket luftës antikorrupsion, ndërkohë që varfëria është në rritje.
 
“Shqipëria e ka mbështetur gjithmonë idenë e futjes në NATO, por Berisha nuk duhet të mjaftohet me një ftesë por të bëjë përpjekje reale për të luftuar krimin dhe korrupsionin në mënyrë që NATO ti hapë realisht dyert e saj për Shqipërinë” – tha Malaj.