Aksident në Fushë- Krujë, plagoset rëndë një 35 vjeçar

Një aksident automobilistik ka ndodhur mbrëmë rreth mesnatës në rrugën nacionale Tiranë – Fushë Krujë. Një makinë e tonazhit të rëndë, betoniere me targa të Tiranës është përplasur më një karrocë, në afërsi të fshatit Luz të Fushë – Krujës.

Sipas policisë nga kjo përplasje ka mbetur i plagosur rëndë një 35 vjeçar, drejtuesi i karrocës. Policia bëri të ditur gjithashtu se 35 vjeçari udhëtonte me karrocën dhe mendohet t'i ketë prerë rrugën betonierës.

Policia ka mbërritur menjëherë në vendin e ngjarjes, duke dërguar të plagosurin në Spital Ushtarak ne Tiranë në gjendje kritike për jetën, ndërsa ka shoqëruar në polici drejtuesin e betonierës.