Opozita braktis seancen, kundershton ligjet e biznesit

Deputetet e opozites kane braktisuar seancen plenare, ne shenje proteste kunder miratimit te ligjeve per biznesin, atij te Falimentimit dhe Procedurave Tatimore. Sipas tyre ligjet nuk jane konsultuar me biznesin dhe nuk kane si te miratohen sot.

Ligji i falimentimit që kërkohet të miratohet sot në Kuvend është shembulli më i keq kundra biznesit. Kështu është shprehur në fjalën e tij, deputeti i PS-së, eksperti i ekonomisë, Arben Malaj. Sipas tij  “ndërsa qeveria mburret për liri fiskale, dhe uljen e nivelit të taksave, Shqipëria është klasifikuar si vendi me lirinë ekonomike më të dobët,
dhe problemi thellohet edhe më shumë me miratimin e ligjit për Falimentin dhe Procedurat Tatimore”.

Malaj është shprehur se ligji për falimentimin është i deformuar dhe u jep ju pushtet absolut tatimorëve. Ndërkohë deputeti i PD-së, Dashnor Sula është shprehur se ligji i falimentimit është rezultat i një pune të kujdesshme.

“Qëllimi është të ndërhyet në ato elementë më thelbësore duke u dhënë pushtet organeve tatimore për të ndërhyrë në eliminimin e aktiviteteve fiktive të cilat janë spekulime për pastrimin e parave” .

Ai ka përmendur këtu hapjen fiktive të shoqërive të ndërtimit të cilat deklarojnë bilance negative duke ngelur borxh te shteti për miliona dollarë.

Por Arben Malaj ka kërkuar nga kryetarja e parlamentit të mos kalojë sot në votim ligjin e Falimentit, pasi ai nuk është diskutuar nga komuniteti i biznesit si dhe ka marrë reagime negative edhe nga organizma ndërkombëtarë si Banka Botërore.

“Është hera e parë në 17 vjet, që FMN i kërkon qeverisë të përmirësojë klimën me biznesin si dhe të shkurtojë deficitin buxhetor”- përfundoi Malaj.