Uzina e Ballshit, Islami: Po kërkohet ti ulet vlera e privatizimit

Qeveria ka lajmëruar së fundmi pushimin nga puna të 300 punonjësve të Uzinës së Ballshit, ndërkohë që 150 vetë mendohet të hiqen nga puna së shpejti.

Sipas deputetit të PS-së, Kastriot Islami heqja e specialistëve nga puna dhe punësimi në të i militantëve të paaftë sjell uljen e vlerës së privatizimit, si për ARMO-n ashtu edhe për Albpetrolin.

“Uzina po rrezikon të falimentojë sepse po largohen specialistët.”- tha Islami gjatë seancës së sotme plenare në Kuvend.

Përmes një fletushke janë pushuar 300 kryefamiljarë, punonjës prej më shumë se 30 vitesh në atë uzinë. Ata si ka lajmëruar askush, dhe kjo nuk mund të jetë  reformë por veprim me prapavijë e interesa partiake, një veprim me afera korruptive, që do të bllokojë privatizimin- vazhdoi Islami.

“Privatizimi i uzinës tenton të dështojë pasi po ulet qëllimisht në mënyrë drastike vlera e saj. Ata po provokohen nga biznesi i kompanisë Gjanica që po mbahet me tenderët dhe është kthyer në një mjet korrupsioni në këtë zonë”- përfundoi Islami.