Dënohet me 25 vjet burg Arjan Zefi, vrau nënë e bir

SHKODËR- Ka marrë vendim gjykata e rrethit të Shkodrës, ndaj Arjan Zefit, i cili vrau nënë e bir në 24 dhjetor të 2007, në Velipojë. Ai është dënuar me 25 vjet burg, për veprën penale të vrasjes me dashje. Në fakt Arjan Zefi ishte dënuar me burgim të përjetshëm, por ka përfituar nga burgimi i shkurtuar duke ulur kështu vitet e burgimit deri në 25 vjet.

Ngjarja ka ndodhur në 24 dhjetor, kur Arjani vrau Age dhe Rafael Prekën, nënë e bir për motive hakmarrjeje. Dy vjet më parë se të ndodhte vrasja, Age Preka e kishte plagosur të pandehurin Zefi për shkak të një grindjeje që kishte pasur mes tyre. Arjan Zefi dhe Familja Preka kanë qenë fqinj me njëri-tjetrin. Por nuk ka vonuar dhe Zefi është përgjgjur ndaj fyerjes dhe plagosjes që i ka bërë gruaja duke i vrarë që të dy nënë e bir. Ngjarjae tmerrshem ka ndodhur në 2007, por sot gjykata ka vendosur masën e dënimit ndaj të pandehurit Zefi, duke i dënuar atë me heqje lirie për 25 vjet.
A.D