Pogradec, pista e vrasjes së emigrantit: hakmarrje për një femër të trafikuar

Policia ka ngritur pistat e hetimit lidhur me vrasjen që u bë para pak ditësh në mes të qytetit të Pogradecit. Emigranti 37 vjeçar, Toni Shyti, nga fshati Gështenjas, sapo ishte kthyer pranë familjes në Pogradec kur është qëlluar me arme zjarri dhe është lënë i vrarë në lagjen nr 1 të qytetit. Policia thotë se vrasja është kryer nga një profesionist, vrasës me pagesë përderisa ishin arritur të fshiheshin të gjitha shenjat, dhe në vendngjarje nuk u gjet asnjë gëzhojë.
Pista e parë që ka ngritur policia lidhur me këtë vrasje, është ajo e vrasjes për hakmarrje pasi i ndjeri dyshohet të kishte trafikuar një femër vite më parë.
Ndërsa pista e dytë është ajo e vrasjes për disa toka që ai kishte në Tushemisht në emrin e gruas së tij.
Policia ka ngritur pistat e hetimit, megjithatë deri tani asnjë person nuk është shoqëruar në polici.