Gjendja Civile, shqiptarët në sistem elektronik

Tiranë- Të dhënat për të gjithë shtetasit shqiptarë janë hedhur tashmë në sistemin e ri elektronik të gjendjes civile. Lajmi është bërë public nga vetë drejtori i përgjithshëm i Gjendjeve Civile, Armand Teliti gjatë një konference për shtyp.

“Ka përfunduar procesi i hedhjes së të dhënave në sistemin e ri elektronik, ashtu si ishte parashikuar që më parë”- ka thënë sot ai.

Ndërkohë tani, sipas tij, po punohet kontrollin, verifikimin, pastrimin dhe certifikimin e të dhënave për shtetasit shqiptarë, në mënyrë që të shmangen dublikimet.

Kjo procedurë është premtuar se do të marrë fund brenda muajit korrik, në të gjitha gjendjet civie në rang republike

Sistemi i ri, sipas Telitit do të krijojë regjistrin e parë elektronik të shtetasve shqiptarë, nga i cili do të dalë edhe lista e ardhshme e votuesve. Kurse, në tetor, sipas tij, shqiptarët do të kenë sistem të sigurtë dhe bazë të shëndoshë për shërbime të tjera që burojnë pre tij.