‘Burg pa afat’ për të akuzuarin për trafik droge

Gjykata e Krimeve të Rënda verifikoi sot Masën e Arrestit ndaj personit nën hetim Eduart Belulaj, dhënë në mungesë me ‘arrest me burg’deri në përfundim të hetimit. Belulaj akuzohet për trafikim të lëndëve narkotike në bashkëpunim me persona të tjerë.

Vetë Belulaj mohoi akuzën duke u shprehur se: “nuk kam dijeni për akuzën e prokurorisë” në lidhje me drogën e kapur në Kakavie më 26 qershor të këtij viti, ku u kapën 4 kilogramë hashash dhe 300 gramë kokainë.

Personi që është kapur në lidhje me këtë çështje ka qenë Arben Kaçorri, i cili kundrejt pagesës kishte pranuar transportin e drogës për në Greqi.

Droga u sekuestrua në makinën e tij, tip Benc Mercedez, e fshehur brenda kovës me salcë kosi.