Nafta bie me 20 $, tek ne vetëm rritje

Edhe pse çmimet e karburanteve kanë shënuar një rënie me gati 20 $ në tregjet financiarë, tregu ynë i karburanteve njeh vetëm rritje. Bursat ndërkombëtare kanë shënuar nivelin prej 123.65 $ për fuçi, çmimin më të ulët të gjashtë javëve të fundit, duke i ardhur kështu në ndihmë konsumatorëve. 

Por pavarësisht luhatjeve në tregje, tregu shqiptar reflekton vetëm nivelet rekord të çmimeve të naftës, çka do të thotë se kur kjo e fundit shënon ulje, ne jemi të paprekshëm, pasi kompanitë nuk ndikohen nga luhatjet.

Disa prej analistëve shprehen se çmimet e larta janë të shkaktuara nga vetë fuqitë e mëdha, të cilave me këto çmime u intereson më shumë të eksportojnë naftë në nivele rekord çmimesh, sesa ta përdorin këtë të fundit për konsum të brendshëm, për vetë faktin se çmime të tilla, sjellin nivele rekord të ardhurash. Ndërkaq, nafta në tregun vendas shitet me 170 dhe 167 lekë/litër, cilësia D1 dhe D2.