Shkodër, aksidentohen rëndë nënë e bijë

Shkodër- Nënë e bijë janë aksidentuar rëndë në Shkodër, kur një makinë i ka përplasur e më pas është larguar nga vendi i ngjarjes.

Aksidenti ka ndodhur në lagjen “Perash”, në qytetin e Shkodrës në afërsi të shkollës

“Kolë Idromeno”. “Suzana Hurmi, 35-vjeçe, banuese në fshatin Bardhaj dhe vajza e saj

9-vjeçare S. Hurmi kanë qenë duke lëvizur në këmbë, kur janë përplasur nga një automjet, i cili nuk është ndalur, por ka vazhduar rrugën”- thanë burimet policore.

Dy të dëmtuarat janë dërguar në spital nga të afërm të tyre. Sipas mjekëve të spitalit rajonal të Shkodrës, 35-vjeçarja ndodhet në gjendje të rëndë në reanimacionin e spitalit, ndërsa vajza duket se e ka kaluar rrezikun. Megjithatë, sipas mjekëve ajo vazhdon të jetë në trajtim intensiv.

Policia po punon për identifikimin e mjetit që shkaktoi aksidentin dhe vënien e tij para përgjegjësisë.