Në pranga 17-vjeçari, vidhte banesat

Drejtoria e Policisë së qarkut Fier, ka finalizuar me sukses operacionin e koduar "Bocova". Gjatë këtij aksioni ka rënë në pranga 17 vjeçari M.M, i cili ishte bërë tmerri i banorëve në fshatrat, Bocovë, Bashkim dhe Rrethfik  të komunës Levan. 17-vjeçari aventurier, me hobi vjedhjen e banesave, brenda një harku kohor të shkurtër dyshohet të ketë vjedhur 5 banesa. Burimet zyrtare të policisë së Fierit thanë se: "mbrëmjen e ditës së martë, policia ka organizuar një operacion, i cili është finalizuar me sukses duke vënë nën pranga 17-vjeçarin M.M, banues në fshatin Povelcë , të komunës Ndërmënas..Mendohet që ai ka vjedhur dhe kasetofonin e automjetit tip "Golf" , në pronësi të shtetasit S.S. 17-vjeçari kishte gjetur një vendstrehim të veçantë për objektet e vjedhura. Ai e kishte shndërruar stanin e vet në një magazinë-depo ku ruante ato çka vidhte në banesat e qytetarëve në orët e para të mëngjesit. Policia sekuestroi në cilësinë e provës materiale objektet e gjetura në depon e improvizuar nga 17-vjeçari, ndërkohë që materialet i kaluan Prokurorisë së Rrethit Gjyqësor,Vlorë për hetime të mëtejshme.