Vodhi 8 banesa, burg pa afat për 21-vjeçarin

Tiranë- Lihet në burg pa afat 21-vjeçari i akuzuar për grabitjen e 8 banesave në Tiranë. Vendimi është marrë nga Gjykata e Shkallës së Parë në Tiranë, e cila njoftoi se deri në përfundim të hetimeve, 21-vjeçari Ditar Cerjani do të qëndrojnë në qeli.

Gjatë seancës së sotme, Gjykata pranoi kërkesën e prokurorisë, duke caktuar masën e sigurisë "arrest me burg" për21 vjeçarin Cerjani, banues në fshatin Rashnapojë të Dibrës, i dënuar disa herë për vjedhje.

Ai u arrestua pas një operacioni të organizuar nga policia e Tiranës në bashkëpunim me policinë e Peshkopisë. Ndaj tij, prokuroria e rrethit të Tiranës kishte lëshuar urdhër- ndalimin pasi akuzohet si autor i 8 vjedhjeve të banesave brenda një harku kohor prej 1 muaji.