Trafiku i drogës, prangosen 3 persona

Policia ka bërë të mundur arrestimin e 3 personave nën akuzën për trafik droge dhe lëndësh narkotike. Sipas policisë, shtetasit Isein Nasufi, 41 vjeç, Dritan Gjyra 33 vjeç dhe Madrit Istrefi 30 vjeç, të tre të lindur dhe banues në Strugë të Maqedonisë, janë arrestuar gjatë mbrëmjes së djeshme në qytetin e Durrësit. Nga hetimet paraprake ka rezultuar se personat e arrestuar në bashkëpunim me njëri tjetrin kanë tentuar të trafikojnë lëndë narkotike. Si rezultat i punës hetimore në lagjen nr.13 të qytetit të Durrësit është bërë e mundur sekuestrimi i 4.2 kg lëndë narkotike, e dyshuar si heroinë, të cilat kanë qenë të vendosura në një automjet tip Golf. Ndërkohë që në cilësinë e provës materiale përveç lëndës narkotike janë sekuestruar edhe 6 mijë franga zvicerane,  mjet i tipit  Golf dhe 4 celularë.