Tiranë, pranga për mitmarrje një polici

Tiranë- Një punonjës i policisë së Tiranës është arrestuar nga kolegët e tij me akuzën e mitmarrjes. Lajmi është bërë i ditur nga policia, e cila ka njoftuar se ndalimi i policit ëhstë bërë në një operacion të organizuar nga Shërbimi i Kontrollit të Brendshëm (SHKB) në Ministrinë e Brendshme, në bashkëpunim me Prokurorinë e Tiranës.

“Forcat e SHKB-së, arrestuan shtetasin Qamil Brahja, specialist në Sektorin e Luftës kundër vjedhjes së makinave pranë Komisariatit Nr.4 të Policisë së Qarkut”- thanë burimet e policisë.

Sipas tyre, specialisti Brahja, me një eksperiencë pune 6-vjeçare në strukturat e Policisë,ështëkapur në kushtet e flagrancës ndërsa merrte 20 mijë lekë ryshfet nga një person. Pas hetimeve u zbulua se polici i kishte kërkuar paratë në këmbim të një favori që do t’i bënte një personi për t’i nxjerrë nga mjediset e Policisë një makinë, e cila ishtebllokuar, me pretendimin sekishte probleme me dokumentacionin.

Grupi hetimor ka siguruar materiale të shumta hetimore, mes tyre edhe pamje filmike në funksion të dokumentimit ligjor të kësaj ngjarjeje. Polici është shoqëruar në ambientet e policisë, ku mësohet se do të qëndrojë në pritje të vlerësimit të masës së sigurisë në ngarkim të tij.