Trafiku i drogës, 36 vjet burg të akuzuarve

Tiranë- Prokuroria e Krimeve të Rënda ka kërkuar sot shpalljen fajtor dhe dënimin me 36 vjet burg për pandehurit Emiljano Shullazi dhe Ervin Ferhati për akuzën e "trafikutndërkombëtar të drogës".

Pretenca është dhënë sot nga përfaqësuesi i Prokurorisë, i cili referoi konkluzionet përfundimtare të hetimit. Ai kërkoi dënimin me nga 18 vjet burg secili për të pandehurit Shullazi dhe Ferhati.

Në seancën e radhës, Gjykata do të njihet me pretendimet e palës mbrojtëse, për të dhënë më pas vendimin përfundimtar për procesin në fjalë.

Dy të arrestuarit, Emiljano Shullazi dhe Ervin Ferhati ndodhen prej muajsh të izoluar në dhomat e paraburgimit të Tiranës, nën masën e sigurisë "arrest me burg" dhënë ndaj tyre nga Gjykata. Sipas hetimeve, këta persona dyshohen se janë pjesë e një rrjeti të trafikut të narkotikëve që ka vepruar vite më parë nga Shqipëria, në drejtim të Italisë.