Vrasja e gjahtarit, arrestohet shoku

Skrapar - Është arrestuar nga policia mesditën e sotme, Behar Çaushi,  pasi 24 orë më parë ka vrarë shokun e tij në gjueti. Burimet policore, bëjnë të ditur se  arrestimi i  Caushit nga fshati Shpataj komuna Konak Skrapar, u bë pasi ky i fundit ka vrarë shokun e tij Feti Halla. Nga të dhënat e dëshmitarëve rezulton se ishte vrasje nga pakujdesia.  

Grupi i ekspertëve hetimorë thanë se “Behar Caushi dhe Feti Hallka kanë qënë për gjah në vendin e quajtur pylli i Luadhit dhe me sa duket Çaushi ka qëlluar mbi gjahun e tij ndërsa në rrethana ende të paqarta saçmet e fishekëve të çiftes kanë rënë mbi gjoksin e 50 vjeçarit Hallka”.

Oficerët e Policisë Gjyqësore  kanë marrë nën hetim autorin e kësaj vrasje Behar Caushi si dhe disa çoban bagëtish bashkë me kryeplakun e fshatit. Është duke u përgatitur dosja hetimore që më pas do t’i kalojë për hetim prokurorisë nga ky pritet të zgjardhet plotësisht ngjarja ku mbeti i vrarë babai i tre fëmijëve, Feti Hallka.