U fut nga Italia, bllokohet në port mjeti i vjedhur

Vlorë- Një automjet është bllokuar sot në portin e Vlorës. Mjeti ka rezultuar i vjedhur, ndaj edhe është bërë bllokimi i tij në ambjentet e pikës së kalimit kufitar.

“Automjeti ka hyrë në orët e mëngjesit, pasi ka zbritur nga tragetet e linjës me Brindizin”- thanë burimet policore. Sipas tyre, të dhënat për të kanë qenë të dyshimta, ndërsa janë ballafaquar me ato të Interpolit. Pasi të dhënat janë ballafaquar me ato të interpolit, mjeti ka rezultuar se ishte i vjedhur në shtetin fqinj.

Drejtuesi i mjetit, pasi është njohur me faktin, ka pohuar se është në kushtet e mosdijes për këtë. Sipas tij ai e ka blerë automjetin te persona të tretë. Volxvageni Sharan me targa CE 177 GR, është bllokuar, ndërkohë që drejtuesi i mjetit, emigrant nga qyteti i Fierit,do të ndiqet penalisht për veprën penale të trafikimit të mjeteve motorrike.