Alkooli dhe moti i ftohtë i marrin jetën 41-vjeçarit

Korçë-Pija  alkoolike i merr jetën një 41-vjecari nga fshati Zemblak i komunës së Pojanit. Shtetasi Artan Tafka, ka konsumuar një sasi të konsiderueshe alkooli nëpër lokale të ndryshme Korçës dhe në gjendje të dehur është nisur drejt shtëpisë së tij në fshatin Zemblak, 10 km larg Korçës.

Temperaturat e ulëta, nën zero gradë dhe gjendja e alkoolizuar kanë bërë që 41-vjeçari të humbasë ndjenjat.

Të alarmuar pjesëtarët e familjes e kanë nisur drejt spitalit të Korçës, por gjatë rrugës ai ka vdekur. Nga hetimet paraprake ka rezultuar se shkaku i vdekjes alkooli dhe i ftohti.