"Eksperiencat? Vlejnë vetëm eksperiencat e suksesit"

PYETJE: Përshëndetje! Jam 50-vjeç, kam punuar në ushtri. Kam aplikuar 3 here për punë pranë kompanisë suaj të internetit dhe herën e fundit, pasi më pyetën rreth eksperiencave të mia dhe punëve që kisha bërë më parë, më kthyen një përgjigje që më habiti: Në rastin tuaj, na duhet t'ju themi që nuk marrim punonjës mbi 35-vjeç... Si mundet që ju të refuzoni njerëz me eksperienca jetësore dhe punë?

Besoj se e kam pritur edhe vetë zotërinë që pyet. Kujt t'i japësh përparësi? Ti japësh përparësi eksperiencës në punë? Është një pyetje që e bëjnë kudo. Nuk është se ne jemi kundër eksperiencës në punë, por mendoj se në shumicën dërrmuese të rasteve eksperienca në punë nuk na rezulton të jetë domosdoshmërisht një gjë e mirë! Vlejnë vetëm pak eksperienca pune, eksperiencat e suksesit. Këto eksperienca të suksesit ne i gjurmojmë te çdo njeri, pavarësisht nga mosha. Të gjitha eksperiencat e tjera e kalcifikojnë njeriun, e vrasin dhe e vdesin përditë atë. Ata që merren me rekrutime duhet t'i japin përparësi cilësive të kandidatit dhe jo përvojave të tij. Në vend të përvojave të dështimit, më mirë bli pritshmëritë e suksesit. Kjo ne na nxit të rekrutojmë të rinj ose shumë të rinj. Nëse kandidatëve shumë të rinj ju mungon përvoja jetësore, ne thjesht i presim që ata të rriten. Kurajë dhe durim: të rinjtë rriten me një ditë, për çdo ditë që kalon. Faleminderit!