"Nuk është biznesi përgjegjës për mosrealizimet e qeverisë"

PYETJE - Qeveria deklaron se 500 milionw dollarët e mos realizuar të investimeve publike vijnë pasi firmat shqiptare nuk kanë kapacitet. Mendoni se ketu është problemi?

Kjo nuk është e vërtetë. Shumica e kompanive ne Shqipëri nuk i shfrytëzojnë kapacitetet e tyre, nuk janë të mbuluara me punë. Është qeveria ajo që nuk bën projekte, s'ka rendiment, nuk është transparente, nuk jep informacion që publiku të mund të gjykojë me objektivitet. Qeveria përpiqet t'ua shkarkojë fajin kompanive dhe qytetarëve për çdo gjë që nuk ecën mirë. Qeveritarët bëjnë fajtorë sipërmarrësit për egzistencën e kontrabandës, korrupsionit,për deformimin e lojës së tregut e kështu me radhë dhe harron se është ajo përgjegjëse për mjedisin e konkurrencës dhe të sipërmarrjes, për barazinë e operatorëve para ligjit dhe në treg. Qeveria i shet përgjegjësitë e veta në mënyrë të padrejtë, bën deklarata boshe e të pavërteta, krijon mjergull e çorientim dhe tenton te përfitoje nga injoranca, depresioni, papunësia e varfëria për t'i ikur përgjegjësive që i takojnë. Nuk është biznesi përgjegjës për mosrealizimet e qeverisë ashtu siç nuk është biznesi përgjegjës për gjithë këtë mjedis të keq, për këto probleme të rënda me energjinë, për kostot e

korrupsionit, për gjithë këtë stres etj.Eshtë qeveria përgjegjëse për gjithë këto histori. Faleminderit.