A do të përdoren letrat me vlerë?

PYETJE: Janë me mijëra shqiptarë që ju kanë ngelur në dorë bonot e privatizimit dheefektivisht nuk kanë asnjë vlerë përdorimi. Cila është përgjegjësia e qeverisë për këtë manipulim të madh që ju bëri shqiptarëve? A ekziston mundësia e përdorimit të letrave me vlerë në të ardhmen dhe si? Fatosi

Nuk besoj se do perdoren ndonjehere letrat me vlere. Per kete qeveria s'ka ndonjë përgjegjësi. Shpesh herë i gjykojmë politikanët me kritere morale, krahasuar me zakonet e mira të vendit, me vlerat humane, me etiken dhe kështu me radhë. Ky është një veprim naiv. Kur politikanët deklarojnë ose premtojne gjëra të ndryshme duhet të jemi të qartë dhe të sigurt se ata, në përgjithësi nuk e kanë seriozisht. Premtimet e politikanëve ndofta kanë lidhje te sinqerta me të tashmen dhe me të shkuarën por jo domosdoshmërisht me të ardhmen. Politikanët shkelin haptazi të drejtat e qytetarëve sepse nuk ekziston ende një sistem i besueshëm ndëshkimi për ta dhe një publik reaktiv për të drejtat e liritë thelbësore të njeriut. Ky perceptim nuk ushqehet nga zhgënjimi që prodhoi programi i letrave me vlerë dhe bonove të privatizimit. Do të çuditesha vetëm në qoftë se do të më thoshit se ka akoma hapësirë për letrat me vlerë dhe bonot e privatizimit në treg. Letrat me vlerë u shpërndanë për të kënaqur premtimet politike te së shkuarës por jo që t'ju rezervohej një vlerë e qëndrueshme në të ardhmen. Faleminderit.